Kompas
Enige rigting, enige afstand, dag of nag
Wynand du Toit
ISBN 9781776220557
R - 18+ Taal Beperking
Nie vir sensitiewe lesers
Uithou en aanhou. Vasbyt!
Dit was menige jong soldaat se droom om ‘n operateur in die Suid-Afrikaanse Spesiale Magte te word. Dit was egter nie elkeen beskore nie, maar slegs daardie klein persentasie van manne wat instaat was om diep in die reserwes te delf en wat die sielkundige uitdaging van aanhou en aanhou kon oorkom.
Die karakters van Soldaat en Kaplyn wil deel van hierdie elite word. Beleef hul beproewings en swaarkry, die genadeloosheid van die Recce instrukteurs tot by die ontnugtiging dat die keuring en opleiding makliker was as die uitvoering van die meeste van hul operasies.
Die lief en leed van kaptein Christo Koch en sy makkers speel af by 4 Verkenningsregiment in Langebaan, en beloof om die leser op ‘n interessante reis deur die harde opleiding en uitdagende operasies van die groepie Recces te neem.
Die skrywer was self ‘n operateur in 4 Verkenningsregiment tot en met sy gevangeneming in Angola tydens operasie Argon.
